Plantun de Prouvènço

Pèr coumpara dos planto d'encò nostre

Plantago lagopus & Teucrium scorodonia

Pèd-de-lèbre

Plantago lagopus

Plantaginaceae

Autre noum : Auriho-de-lèbre.

Noms en français : Pied-de-lièvre, Plantain pied de lièvre.

Descripcioun :
Lou pèd-de-lèbre es uno planto de l'an que trachis dins li pelouso seco e li relarg roucaious. Li fueio blanquinouso soun tóuti basalo, e sort dóu pèd de poulìdis espigueto peludo e argentado (bratèio e sepalo) de 1,5 à 3 cm, que i'an douna soun noum.

Usanço :
Tóuti li fueio de plantage soun bono à manja, lou tout èi que siegon pas trop duro. En Sicilo fan bouli li fueio de pèd-de-lèbre e li servon emé d'òli d'óulivo e de sau (F. Couplan, op.cit. p. 352). Avèn pas d'entresigne segur, mai se poudrié qu'aguèsse li mémi prouprieta medicalo bèn couneigudo de soun cousin, l'erbo-di-cinq costo.

Port : Erbo
Taio : 5 à 30 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Blanco
Petalo : 4
Ø (o loungour) flour : 5 à 15 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero seco - Roucaio - Garrigo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago lagopus L., 1753

Sàuvi(-dei-bouas)

Teucrium scorodonia

Lamiaceae Labiaceae

Noms en français : Germandrée scorodoine, Sauge des bois.

Descripcioun :
Aquesto sàuvi dóu gènre Teucrium trachis sus sòu séusous e se vèi dins li bos clar e lis orle de champino. Pèr acò l'atroubarés pas en Prouvènço cauquiero. Se recounèis à si grapo e flour jauno e à si fueio que rapelon aquésti de la sàuvi.

Usanço :
Li flour secado se prenon en tisano e an d'ùni prouprieta (vèire çai-souto).

Port : Pichoto planto lignouso
Taio : 30 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Teucrium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 9 à 12 mm
Flourido : Printèms - Estiéu

Sòu : Si
Autour basso e auto : 0 à 1700 m
Aparado : Noun
Jun à avoust

Liò : Orle de champino - Bos fres
Estànci : Mesoumediterran à Mountagnard
Couroulougi : Éuroupo-Ouèst
Ref. sc. : Teucrium scorodonia L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Plantago lagopus & Teucrium scorodonia

ges

Coumpara Pèd-de-lèbre emé uno autro planto

Coumpara Sàuvi(-dei-bouas) emé uno autro planto